ORTAQ DƏYƏRLƏR İB

"Qarabağın dad yaddaşı" filminin təqdimatı olub

Tarix: 2022/10/31 17:39

Oktyabrın 29-da Davam Gənclər Hərəkatı İctimai Birliyinin mərkəzi ofisində “Qarabağın dad yaddaşı” sənədli filminin təqdimatı olub.

Turkustan.az xəbər verir ki, film “Azərbaycan Milli Kulinariyasının Araşdırılması, Təbliği və Dünyaya İnteqrasiyası” İctimai Birliyinin layihəsi əsasında, Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanıb.

Layihə rəhbəri Kənan Qılıncxanov bildirib ki, məqsəd Qarabağın dad yaddaşını, mətbəx və məişət mədəniyyətini təbliğ etmək, bu mədəni yaddaşın bərpasına, nəsillərdən-nəsillərə ötürülməsinə, unudulmamasına xidmət göstərmək, gənc nəslin bu yaddaşı yaşatmasına, həm də zəngin Azərbaycan milli mətbəxinin ayrılmaz qolu olan Qarabağ mətbəxinin dünyada tanıdılması və təbliğinə vəsilə olmaqdır.

Layihə rəhbərinin sözlərinə görə, bu film, həmçinin İctimai Birliyinin “Şuşa İli"nə və Azərbaycanın mədəniyyət paytaxtı Şuşanın 270 illiyinə töhfəsidir. Kənan Qılıncxanov belə bir aktual layihəni dəstəklədiyinə görə Qeyri-Hökumət Təşkilatlarına Dövlət Dəstəyi Agentliyinə minnətdarlığını bildirib.

Filmin ssenari müəllifi, Əməkdar jurnalist Firuzə Nadir deyib ki, Qarabağ zaman-zaman qədim tarixi, mədəniyyəti, musiqisi ilə bərabər, bol süfrəsi, qonaqpərvərliyi ilə də səyyahları, turistləri, qonaqları özünə cəlb edib: “Təəssüf ki, Qarabağ, onun tacı Şuşa 30 ilə yaxın müddətdə erməni işğalı altında olub, qala-şəhərin sakinləri öz yurdundan didərgin düşüb. Lakin onlar Şuşadan uzaq olsalar da, adət-ənənələrini qoruyub saxlayıb, unudulmağa qoymayıblar, gənc nəslə ötürüblər. 44 günlük Vətən müharibəsindəki Qələbə mədəniyyətimizi, bizə məxsus olanları da dünyaya çatdırmağa kömək etdi. 2020-ci ildə işğaldan azad olunan Şuşa artıq sürətlə abadlaşır, dünyanın diqqətini özünə cəlb edir, onun tarixinə, mədəniyyətinə də maraq artır”.

"Qarabağın dad yaddaşı" sənədli filminin Şuşanın mətbəx və süfrə mədəniyyətinin təqdimatından, adət-ənənələrin təbliği və gələcək nəsillərə ötürülməsindən bəhs etdiyini deyən Firuzə Nadir bildirib ki, filmin çəkilişləri Azərbaycanın mədəniyyət paytaxtı Şuşada, təbiət qoynunda aparılıb. Filmdə şuşalıların yaşlı, orta və gənc nəsildən olan nümayəndələri iştirak edib. Onlar filmdə Qarabağın, Şuşanın mətbəxindən nümunələri əyani şəkildə hazırlayıb təqdim ediblər. Filmdə sakinlərin Qarabağın, Şuşanın mənəvi dəyərləri, özünəməxsus yeməkləri, eləcə də işğal dövründə qarşılaşdıqları çətinliklərlə bağlı maraqlı söhbətləri də əks olunub. Film tarixi şəhərimiz Şuşanın tanıdılması, qarabağlıların mətbəxinin, qonaqpərvərliyinin nümayişi baxımından da böyük əhəmiyyət kəsb edir.

Tədbirdə çıxış edənlər filmin Qarabağın zəngin mətbəx və məişət mədəniyyətinin təbliği baxımından əhəmiyyətindən danışıblar. Vurğulanıb ki, Qarabağın mətbəx mədəniyyətinin təbliği gənclərin vətənpərvər tərbiyəsində də mühüm rol oynayır. Filmin əcnəbi dillərə tərcüməsinin vacibliyi də diqqətə çatdırılıb.

ŞƏRH YAZ

Bölmənin digər xəbərləri

	Füzuli şəhərində üç min yeni iş yeri yaradılıb
	Bakıda qraffiti təqlidi - Qabiliyyətsiz, pinti, məqsədli...
	"Aprel döyüşləri Zəfərə gedən yolun əsasını qoyub"
	Aşıq Şəmşirin 133 illiyinə həsr olunmuş geniş ictimaiyyət tədbiri keçirildi - FOTOLAR
	Davos çərçivəsindəki görüşlər Azərbaycanı beynəlxalq investorlar üçün etibarlı tərəfdaş kimi təqdim edir - ŞƏRH
	Dünya Azərbaycanlılarının Həmrəyliyi Günüdür
	Arayik Harutyunyan və digərlərinin məhkəməsində məhkəmə baxışı başa çatıb
	Paşinyan İlham Əliyevə təşəkkür etdi
	Berdiməhəmmədov İlham Əliyevi TƏBRİK ETDİ
	Azərbaycan QHT sektorunun 2025-ci ildəki uğurları - TOP 10
	Ümummilli Lider Heydər Əliyevin vəfatından bu gün 22 il keçir
	Ağdərə ilə Xocalının kəndlərinin elektrik təchizatı yenidən qurulacaq
	Azərbaycan-Türkiyə hərbi əməkdaşlığı genişlənir - YENİ MEMORANDUM
	Hikmət Hacıyev Türkiyə nümayəndə heyəti ilə görüşüb
	Kəlbəcərin rəngi, səsi və yaddaşı – Sənət şəhərin nəfəsinə qarışdı - FOTOLAR

YAZARLAR

XƏBƏR LENTİ

DÜNYADAN