ORTAQ DƏYƏRLƏR İB

Azay Quliyev: “Seçkidən sonra Azərbaycanda yeni inkişaf və yeni hədəflər dövrü başlayacaq”

Tarix: 2024/01/16 16:36

Azərbaycanın ATƏT Parlament Assambleyasındakı (ATƏT PA) nümayəndə heyətinin rəhbəri, ATƏT PA-nın komitə sədri, Milli Məclisin deputatı Azay Quliyev qarşıdan gələn prezident seçkiləri ilə bağlı secki-2024.az saytının suallarını cavablandırıb. OrtaqDeyerler.az həmin müsahibəni təqdim edir:

- Fevralın 7-nə təyin edilmiş prezident seçkiləri Azərbaycan üçün hansı əhəmiyyəti daşıyır?

- Prezident üsul-idarəsi olan ölkələrdə prezident seçkiləri hər zaman taleyüklü və həlledici əhəmiyyətə malik olub. Bu, Azərbaycanda da belədir. Çünki Prezident həm dövlət başçısı, həm ali icra hakimiyyətinin rəhbəri, həm də Silahlı Qüvvələrin Ali Baş Komandanı və ölkə Konstitusiyasının qarantıdır. Başqa sözlə desək, Prezident xalqın və dövlətin taleyini, inkişaf strategiyasını və geosiyasi vektorlarını birbaşa müəyyən edən son dərəcə vacib və mühüm ali dövlət vəzifəsidir. Bu mənada, Azərbaycanda fevralın 7-də keçiriləcək prezident seçkilərinin tarixi və siyasi əhəmiyyəti daha çoxdur və fərqlidir. Bu, sözün əsl mənasında gələcəyimizin seçkiləridir.

Seçkilərin müstəqil Azərbaycanın tarixində ilk dəfə olaraq ölkənin bütün ərazisində keçirilməsi də vacib faktordur. Prezident seçkiləri bütün digər seçkilərlə müqayisədə ən vacib seçkilər olduğu üçün məhz, bütün ərazilərdə keçiriləcək birinci seçkilər də prezident seçkiləri olmalıdır. Bunun da çox böyük siyasi, mənəvi və simvolik mənası var və kifayət qədər doğru və məntiqlidır.

- Sizcə prezident seçkilərindən sonra Azərbaycan üçün əsas hədəf və vəzifələr nə olmalıdır?

- Bu çox maraqlı, həm də çox çətin sualdır. Yeni milli hədəflərin müəyyən olunması o qədər asan məsələ deyil və bu haqda təkliflərin verilməsi də çox böyük məsuliyyət tələb edir. Əgər biz növbəti 10 ildə qarşıda duran əsas məqsəd və vəzifələrdən danışsaq, demək olar ki, gələcək 10 ildə hazırda ölkəmiz üçün prioritet hesab olunan bir sıra sahələr öz aktuallığını qoruyub saxlayacaq. Bura ilk növbədə, Qarabağın və Şərqi Zəngəzurun yenidən qurulması, şəhər və kəndlərin dirçəldilməsi, keçmiş məcburi köçkünlərin öz torpaqlarına geri qaytarılması, ölkənin müdafiə qabiliyyətinin daha da artırılması və iqtisadi inkişafının daha yüksək səviyyədə təmin olunması daxildir.

Düşünürəm ki, gələcək 10 ildə Milli Ordumuzun tam peşəkar və müqavilə əsasında formalaşması, dünyanın ən güclü 30 ordusundan biri olması üçün kifayət qədər potensiala, gücə və siyasi iradəyə malikik. Bu vəzifənin əsas milli hədəflərimizdən biri olacağına şübhə etmirəm.

Bundan başqa, gələcək 10 ildə Azərbaycan iqtisadiyyatına dair iki mühüm vəzifənin icrasına nail olmağa çalışmalıyıq. Birincisi, büdcənin neft və təbii qazdan asılılığını 20 faiz həddinə qədər endirmək, ikincisi, adambaşına düşən ÜDM-in həcmini 10 min ABŞ dollarına kimi yüksəltmək. Azərbaycanda iqtisadiyyatın inkişafı ilə bağlı son illər həyata keçirilən islahatları və işğaldan azad edilmiş ərazilərin iqtisadi potensialının ölkə iqtisadiyyatına verəcəyi səmərəni nəzərə alsaq, bu vəzifənin öhdəsindən gəlməyin mümkün olacağını düşünürəm. Azərbaycanın öz milli istehsalı və yeni brendləri ilə xarici bazarlarda məşhurlaşmasının da vaxtı çatıb.

Növbəti 10 ildə Azərbaycan universitetlərinin dünya “QS” reytinqində 400-500-ci yerlərə layiq görülməsi təhsil üzrə əsas vəzifələrdən birinə çevrilməlidir. Azərbaycan pasportunun dünyanın ən güclü pasportları sırasında yerini yaxşılaşdırması haqqında da düşünməliyik. Düşünürəm ki, “Prezidentin Xüsusi Nümayəndəliyi” institutunun bütün ölkə üzrə tətbiqi məsələsi də seçkilərdən sonra gündəmdə olacaq. Əlbəttə, bir çox digər məsələlərlə yanaşı, “Qərbi Azərbaycana Qayıdış Konsepsiyası”-nın icrası və “Zəngəzur dəhlizi”nin açılması gələcək milli hədəflər sırasında olacaq və əminəm ki, biz bu missiyaların da öhdəsindən layiqincə gələcəyik. “Süni intellekt və onun idarə olunması”, “yaşıl enerji”, “təhlükəsizlik”, “sosial rifah”, “məhkəmə islahatları” və “milli birliyimizin” qorunması kimi məsələlərin də qarşıdakı 10 ildə diqqət mərkəzində olacağına şübhə etmirəm. Bir sözlə, Prezident seçkilərindən sonra Azərbaycanda yeni inkişaf və yeni hədəflər dövrü başlayır.

ŞƏRH YAZ

Bölmənin digər xəbərləri

	Ümummilli Lider Heydər Əliyevin vəfatından bu gün 22 il keçir
	Ağdərə ilə Xocalının kəndlərinin elektrik təchizatı yenidən qurulacaq
	Azərbaycan-Türkiyə hərbi əməkdaşlığı genişlənir - YENİ MEMORANDUM
	Hikmət Hacıyev Türkiyə nümayəndə heyəti ilə görüşüb
	Kəlbəcərin rəngi, səsi və yaddaşı – Sənət şəhərin nəfəsinə qarışdı - FOTOLAR
	Prezident Azərbaycanla Türkiyə arasında mühüm sənədi TƏSDİQLƏDİ
	Xankəndi, Ağdərə və Xocalıda nə qədər əhali məskunlaşıb?
	Avropada Ukrayna üçün yeni plan hazırlandı - TAM MƏTN
	Ərdoğan Meloni ilə görüşdü - Qəzza və Ukraynaya dair müzakirə aparılıb
	Türkiyə Bakıya görə tarixdə görülməmiş göstəriş verdi - Video
	"Böyük qayıdış": Daha 325 nəfər doğma yurduna döndü - FOTOLAR
	Prezident Baş prokurorla bağlı sərəncam İMZALADI
	Bu şəxslər dövlət hesabına təhsil alacaq – 42 milyon manat AYRILIR
	Paşinyanın partiyadaşı Türkiyə ilə sərhədin tezliklə açılacağı anonsunu verdi: “Sülh artıq bərqərar olub”
	Türkiyənin Ermənistanla münasibətlərin normallaşması şərti nədir? - Hakan Fidan açıqladı

YAZARLAR

XƏBƏR LENTİ

DÜNYADAN